Türkiyə-İran sərhədinin “Gürbulaq” keçid məntəqəsində yaranmış uzun növbə hələ də davam edir.
Axar.az xəbər verir ki, İran hökuməti Türkiyə TIR-larına dekabrın 1-dən tətbiq etdiyi yanacaq satılması qadağasını müvəqqəti dayandırsa da, yaranmış uzun növbə problemi dəyişməz qalıb.
İran tərəfindən qadağanın 10 gündən artıq müddətdə dayandırılmasına rəğmən, “Gürbulaq” keçid məntəqəsində 20 km-dən artıq yaranmış uzun növbə ancaq 13 km-dək endirilə bilib.
Sərhəddə gözləmək məcburiyyətində qalan sürücülər məsələ ilə bağlı Türkiyə rəsmilərindən yardım istəyiblər.
Dekabrın 9-da Türkiyənin Nəqliyyat və Dənizçilik naziri Lütfi Elvan mediaya açıqlamasında yaranmış növbələrin 3 gün ərzində bitəcəyini bildirmişdi.
Qeyd edək ki, İranın dekabrın 1-dən ölkə ərazisinə daxil olan Türkiyə TIR-larına qarşı tətbiq etdiyi qaydalar Türkiyə-İran sərhədində uzun növbələrə səbəb olub. Lakin bu qadağa dekabrın 9-da müvəqqəti dayandırılıb.
Son şərhlər