Britaniyanın ixrac naziri Malkolm Offord Türkiyə və Böyük Britaniya hökumətlərinin müdafiə sənayesi sahəsində yaxınlaşdığını açıqlayıb.
Elchi.az bu barədə Trthaber.com-a istinadən xəbər verir.
“Türkiyənin bir çox sektorunda, xüsusən də müdafiə sənayesi sahəsində real artım və aktivlik görürəm. Böyük Britaniya Türkiyəyə dəstək rolunu oynaya bilər”, – deyə Offord bildirib.
Onun sözlərinə görə, Böyük Britaniya və Türkiyə bir-birini dəstəkləyərək və qarşılıqlı faydalı imkanlar taparaq birlikdə daha çox işlər görməyə hazırdırlar.
Türkiyənin Böyük Britaniyadakı səfiri Osman Koray Ertaş da iki ölkə arasında müdafiə sənayesi sahəsində əməkdaşlığın artırılmasının vacibliyini vurğulayıb. O, Türkiyənin müdafiə şirkətlərinin Böyük Britaniya ilə əməkdaşlığa daha çox maraq göstərdiyini bildirib və Türkiyənin müdafiə şirkətinin Britaniya təşkilatını alması kimi son hadisələri diqqətə çatdırıb.
Yeganə
Son şərhlər