Ağ Ev, İsveçrəyə uçan ABŞ Prezidenti Donald Trampın təyyarəsinin uçuşdan qısa müddət sonra elektrik nasazlığı səbəbindən “ehtiyat tədbiri olaraq” Vaşinqtona qayıtdığını və Trampın səyahətinə yeni təyyarə ilə davam edəcəyini açıqladı.
Elchi.az xəbər verir ki, Ağ Evin sözçüsü Karolin Livitt, Davos səfərini işıqlandırmaq üçün Trampı təyyarədə müşayiət edən mətbuata açıqlama verdi.
Livit, Trampın AF1 təyyarəsinin elektrik nasazlığı səbəbindən “ehtiyat tədbiri olaraq” Vaşinqton yaxınlığındakı Birgə Baza Endryus Hava Limanına qayıtdığını və ABŞ Prezidentinin Davos səfərinə yeni təyyarə ilə davam edəcəyini bildirdi.
Bu arada, təyyarədəki müxbirlər uçuşdan qısa müddət sonra bütün işıqların qəfildən qısa müddətə söndüyünü bildirdilər. Bir müxbir, Livittin Qətər tərəfindən Trampa hədiyyə edilən və hazırda prezident təyyarəsi kimi istifadə üçün təhlükəsizlik testlərindən keçən Boeing 747-8 nəhəng təyyarəsinə istinadən “İndi daha yaxşı səslənir” dediyini sitat gətirdi. Ənənəvi olaraq, ABŞ prezidentləri iki AF1 prezident təyyarəsi arasında növbə ilə hərəkət edirlər.
Şayəstə
