İsrailin baş naziri Benyamin Netanyahu ABŞ prezidenti Donald Trampa Qəzza zolağında atəşkəsə görə təşəkkür edib və onu İsrail parlamentində çıxış etməyə dəvət edib.
Elchi.az xəbər verir ki, Baş nazirliyin mətbuat xidmətindən verilən yazılı açıqlamada İsrail və HƏMAS arasında Qəzzada əldə olunan atəşkəs razılaşmasından sonra Netanyahu ilə Trampın telefonla danışdığı bildirilib.
Netanyahu Trampa məhbus mübadiləsi və atəşkəs razılaşmasına nail olmaq səylərinə görə təşəkkür edib və həmçinin Trampı Knessetdə çıxış etməyə dəvət edib.
ABŞ prezidenti Tramp Misirdəki danışıqlardan sonra İsrail və HƏMAS-ın Qəzzada atəşkəs planının birinci mərhələsini təsdiqlədiyini açıqlayıb.
Şayəstə Hüseynova
Super xəbərdir! Tramp həmişə İsrailin yanında olub, bu da onu göstərir. Netanyahu da yaxşı iş görüb ki, belə bir dəvət edib. Bu danışıqlar çox vacibdir, ümid edirəm ki, sülhə xeyri dəyəcək.