ABŞ prezidenti Donald Tramp süni intellekt yarışında şirkətlərin Çini geridə qoyması lazım olduğunu ifadə edərək, bu sahədə şirkətlərin yolunu əhəmiyyətli dərəcədə açacaq 3 sərəncam imzalayıb.
Elchi.az xəbər verir ki, ABŞ prezidenti Tramp Vaşinqtonda süni intellekt mövzusunda keçirilən sessiyada ölkəsindəki texnoloji inkişafları və Çin ilə ABŞ arasındakı süni intellekt yarışını dəyərləndirib.
ABŞ-da yerləşən süni intellekt şirkətlərinə yol açacaq üç icra sərəncamı imzalayan Tramp, bu addımların Amerika şirkətlərinə Çin şirkətləri üzərində üstünlük qazandıracağını müdafiə etdi.
“Biz süni intellekt yarışında Çini əhəmiyyətli dərəcədə qabaqlayırıq” deyən Tramp ABŞ-da bu sahədə çalışan şirkətləri və onların rəhbərlərini siyahıya alıb və onlara ayrı-ayrılıqda təşəkkür edib.
ABŞ prezidenti Tramp süni intellekt sahəsində Çinlə qlobal rəqabətdə mütləq qalib gəlməli olduqlarını və bu məqsədlə bu üç sərəncam imzaladığını bildirib. Tramp deyib: “Bu gözəl insanlar həqiqətən ölkəmizi işini davam etdirir, Amerikanın dünya səviyyəli infrastrukturunu qoruyur. Biz federal icazələri sürətləndirmək, yoxlamaları sadələşdirmək və bütün əsas süni intellekt infrastruktur layihələrinin tikintisini sürətləndirmək üçün mümkün olan hər şeyi etmək üçün bu icra sərəncamlarını imzalayırıq”.
O, ABŞ-ın davamlı texnoloji üstünlüyünün süni intellekt sahəsindəki inkişaflarla birbaşa əlaqəli olduğunu izah edərək, bu sahədə çalışan şirkətlərin mühüm rol oynayacağını və bu şirkətlərə əhəmiyyətli investisiyaların qoyulmasına şərait yaradacaqlarını vurğulayıb.
Şayəstə Hüseynova
