ABŞ Prezidenti Tramp: Biz rəsmi olaraq Səudiyyə Ərəbistanını NATO-ya üzv olmayan əsas müttəfiq elan etdik.
Elchi.az xəbər verir ki, Səudiyyə Ərəbistanının vəliəhd şahzadəsi Məhəmməd bin Salmanın şərəfinə Ağ Evdə təşkil edilən şam yeməyində ABŞ Prezidenti Tramp iki ölkə arasında münasibətlərin bu səfərlə gücləndiyini vurğuladı.
Çıxışında Tramp şam yeməyində iştirak edən bir neçə görkəmli şəxsin adını çəkdi və hazırda Səudiyyə Ərəbistanında oynayan məşhur futbolçu Kriştiano Ronaldoya iştirakına görə təşəkkür etdi.
ABŞ Prezidenti Tramp Səudiyyə Ərəbistanının ABŞ-a verdiyi 1 trilyon dollarlıq investisiya vədinə görə Məhəmməd bin Salmana təşəkkür etdi.
ABŞ Prezidenti iki ölkə arasında imzalanan müdafiə və hərbi əməkdaşlıq müqavilələrini vurğulayaraq dedi: “Mən bunu burada ilk dəfə elan edirəm. Biz rəsmi olaraq Səudiyyə Ərəbistanını NATO-ya üzv olmayan əsas müttəfiq kimi təyin edirik. Bu, onlar üçün çox vacib bir şeydir.” Tramp Səudiyyə Ərəbistanının ABŞ-dan təxminən 140 milyard dollarlıq silah, sursat və müdafiə xidmətləri alacağını və minlərlə yeni Amerika iş yerinin yaradılacağını bildirdi və bu investisiya vədindən məmnunluğunu ifadə etdi.
Yeni silah alışlarında milyardlarla dollarlıq xərclərlə bağlı Tramp bildirib ki, “Bu, hər iki ölkəni daha təhlükəsiz edəcək və Səudiyyə Ərəbistanının Yaxın Şərqdə sabitlik və təhlükəsizlik üçün əsas qüvvə kimi rolunu gücləndirəcək”.
Bu gün Səudiyyə Ərəbistanı ilə “strateji müdafiə müqaviləsi” imzaladıqlarını qeyd edən Tramp bunun həm Vaşinqton, həm də Ər-Riyad üçün əhəmiyyətli bir qazanc olduğunu qeyd edib.
Şayəstə
