ABŞ Prezidenti Donald Tramp hesab edir ki, İranla atəşkəs rejiminin uzadılmasına zərurət yaranmayacaq.
Elchi.az xəbər verir ki, bu barədə “ABC” telekanalının jurnalisti Conatan Karl məlumat verib.
Amerika lideri ilə söhbəti zamanı Tramp bildirib ki, İslam Respublikası ilə atəşkəsin uzadılması imkanlarını nəzərdən keçirmir və “buna ehtiyac olacağını düşünmür”. “Hesab edirəm ki, siz iki heyrətamiz günün şahidi olacaqsınız. Mən həqiqətən belə düşünürəm”, — deyə jurnalist öz “X” səhifəsində prezidentin sözlərini sitat gətirib. Daha əvvəl Associated Press agentliyi aprelin 16-da ABŞ-İran danışıqlarının yeni raundunun keçirilə biləcəyi barədə məlumat yaymışdı.
Münaqişənin razılaşma ilə bitib-bitməyəcəyi barədə suala Tramp belə cavab verib: “Münaqişə bu və ya digər şəkildə bitəcək. Məncə, razılaşma daha məqsədəuyğundur, çünki o zaman onlar ölkəni yenidən qura bilərlər”.
Şayəstə
