ABŞ mediası bildirib ki, danışıqlarda irəliləyiş olarsa, Prezident Donald Tramp İrana hərtərəfli hücumlar üçün müəyyən etdiyi müddəti uzada bilər.
Elchi.az xəbər verir ki, ABŞ mediası bildirib ki, danışıqlarda irəliləyiş olarsa, Prezident Donald Tramp İrana hərtərəfli hücumlar üçün müəyyən etdiyi müddəti uzada bilər.
ABŞ-da yerləşən Axios xəbər platformasının məsələyə yaxın mənbələrə istinadən verdiyi məlumata görə, İranın enerji obyektlərini və körpülərini hədəf alan birgə ABŞ-İsrail hücum planı hazırdır.
Hesabatda hücum planının həyata keçirilməsi üçün yalnız Trampın təsdiqinin tələb olunduğu vurğulanaraq deyilir: “Əgər Prezident razılaşmanın formalaşdığını görərsə, yəqin ki, gözləyəcək. Amma bu qərarı yalnız o verir”.
Adı açıqlanmayan bir mənbə bildirib ki, “Tramp razılaşma olsaydı, razılaşmanı qəbul edərdi, lakin iranlıların buna hazır olub-olmadığı bəlli deyil”.
Hesabatda həmçinin müdafiə rəsmisinin İrana hücumun təxirə salınması ehtimalı ilə bağlı “ehtiyatlı” olduğu və danışıqlar prosesinin kritik bir nöqtəyə çatdığı vurğulanıb. Son günlərdə Trampla bir neçə dəfə görüşən bir mənbə prezidentin İranla bağlı mövqeyini “administrasiyanın ən yüksək səviyyələrində ən sərt mövqe” adlandırıb, digər bir mənbə isə müdafiə naziri Pit Heqset və dövlət katibi Marko Rubionun Trampla yanaşı “göyərçin” qaldığını bildirib.
Şayəstə
