İranın başında rasional insanlar dayanıb və Amerika Birləşmiş Ştatları üçün onlarla danışıqlar aparmaq xoşdur.
Elchi.az xəbər verir ki, bu barədə ABŞ prezidenti Donald Tramp Fransada keçirilən “Böyük Yeddilər” (G7) sammiti çərçivəsində jurnalistlərin suallarını cavablandırarkən bildirib.
“Siz rejimin dəyişdirilməsindən danışırsınız. İranda hakimiyyətin dəyişməsi heç vaxt mənim vecimə olmayıb. Bu, heç vaxt planlarıma daxil edilməyib. İran rəhbərlərinin birinci qrupu — hamısı ölüdür, ikinci qrupu — onlar da ölüdür. Üçüncü qrupun bir hissəsi gedib və biz hazırda, mənim fikrimcə, çox rasional olan insanlarla iş görürük. Onlarla iş görmək xoşdur. Bunlar güclü və ağıllı insanlardır. Hesab edirəm ki, onlar əslində birinci və ikinci qrupdan daha ağıllıdırlar, radikallaşmayıblar və öz ölkələrinə kömək etməyə çalışırlar. Odur ki, təkrar edirəm, mən rejimin dəyişdirilməsinə inanmıram və uzun illərdir bütün dünyada rejimlərin dəyişdirilməsi proseslərini müşahidə etmişəm. Bu, heç vaxt işə yaramayıb”, — deyə dövlət başçısı bildirib.
O əlavə edib ki, əvvəllər İranı “tamamilə irrasional insanlar” idarə edirdi və artıq həmin insanlar yoxdur. “Hesab edirəm ki, hazırda İranın rasional rəhbərliyi var”, — deyə prezident yekunlaşdırıb.
Məryəm
