- ABŞ-ın keçmiş prezidenti Donald Tramp “Fox News” telekanalına müsahibəsində hazırkı Amerika lideri Co Baydeni ABŞ-ın mühüm sirrini açdığına və Pentaqonun sursat çatışmazlığını etiraf etdiyinə görə qınayıb. Elchi.az bu barədə Lent.ru-ya istinadən xəbər verir.
Siyasətçinin sözlərinə görə, indi ABŞ üçün nüvə silahından istifadə risklərinə görə tarixin ən təhlükəli vaxtı gəlib çatıb və dövlət başçısı nə etdiyini başa düşməyən adamdır.
“Ayağa qalxıb bütün dünyaya silah-sursatımız olmadığını deyən adam. Çinə və digər düşmən ölkələrə dedi ki, bizim sursatımız yoxdur. Necə bu qədər axmaq ola bilərsən ki, belə bir şey deyirsən?” – deyə Tramp vurğulayıb.
Qeyd edək ki, Tramp bir müddət əvvəl Ukraynanı NATO-ya qəbul etməyi düşünməyin dəlilik olduğunu bildirib. Onun sözlərinə görə, Co Baydenin rəhbərlik etdiyi hazırkı administrasiya ştatları üçüncü dünya müharibəsinə cəlb edir.
Havar Şəfiyeva
Son şərhlər