Tramp yəhudi xalqını xarici hücumlardan qoruyacağına söz verdi.
Elchi.az xəbər verir ki, ABŞ Prezidenti Donald Tramp yəhudi dini mərasimlərinin təhlükəsizliyini təmin etmək də daxil olmaqla, yəhudi xalqını xarici hücumlardan qoruyacağına söz verdi. Dövlət başçısı bu açıqlamanı Ağ Evin saytında dərc olunmuş Hanuka bayramı münasibətilə yəhudilərə müraciətində etdi.
Siyasətçi vurğuladı ki, onun administrasiyası “yəhudi xalqının yanında möhkəm dayanmağa” və hər bir möminin təqib qorxusu olmadan dinlərini sərbəst şəkildə yerinə yetirmək hüququnu qorumağa davam edəcək.
Respublikaçının müraciəti Avstraliyada Hanuka bayramını qeyd edənlərə hücumdan sonra dərc edilib.
14 dekabrda iki kişi Hanuka bayramı şənlikləri zamanı Sidneydəki Bondi çimərliyində atəş açıb. Tədbirdə təxminən 2000 yəhudi icmasının üzvü toplaşmışdı. Polis atışmanı terror aktı kimi təsnif edib. Mediada yayılan məlumatlara görə, hücum bir neçə aydır ki, hazırlıq mərhələsində olub. Faciə nəticəsində şənlik iştirakçılarından 15 nəfər həlak olub.
İsrail Baş naziri Benyamin Netanyahu Sidney hücumuna görə avstraliyalı həmkarı Entoni Albaneseni və hökumətini günahlandırıb.
Şayəstə
