Tottenhem” “Fulhem”i məğlub edərək İngiltərə Premyer Liqasının zirvəsinə yüksəlib

İngiltərə Premyer Liqasının 9-cu həftəsinin qapanış matçında “Tottenhem” “Fulhem”i 2:0 hesabı ilə məğlub edərək, liqada lider olub.
Elchi.az  xəbər verir ki, İngiltərə Premyer Liqasının 9-cu həftəsində bu mövsüm uğurlu çıxışı ilə diqqət çəkən “Tottenhem” doğma meydanda “Fulhem”i qəbul edib.
“Tottenhem Hotspur” stadionunda keçirilən qarşılaşmada “Tottenhem” 36-cı dəqiqədə Heung-min Son və 54-cü dəqiqədə Ceyms Maddisonun vurduğu qollarla rəqibini 2:0 hesabı ilə məğlub edib.
Liqada ardıcıl 3-cü qələbəsini qazanan Şimali London komandası xallarını 23-ə çatdıraraq, Mançester Siti və Arsenalı 21 xalla geridə qoyaraq liderliyə yüksəlib. “Fulhem” isə həftəni 11 xalla 13-cü yerdə başa vurub.
Premyer Liqanın 10-cu həftəsində lider “Tottenhem” səfərdə “Kristal Pelas”la, “Fulhem” isə “Brayton Hove Albion”un qonağı olacaq.

Nuranə Məmmədova