Tayvan Müdafiə Nazirliyi dünən axşamdan səhər saatlarına qədər Tayvan adası ətrafında 55 Çin hərbi təyyarəsinin aşkar edildiyini bildirib.
Elchi.az xəbər verir ki, Nazirliyin sosial paylaşım saytı “X” hesabında edilən açıqlamada 55 təyyarədən 27-nin Tayvanın “Hava Hücumundan Müdafiə Tanıma Zonası”(AİDZ) elan etdiyi bölgədə uçduğu bildirilib.
Açıqlamada qeyd olunub ki, ADİZ-in cənub-qərbində 12 “SU-30”, 10 “J-10”, 4 “J-16” tipli döyüş təyyarəsi və “WZ-7” tipli silahlı pilotsuz uçuş aparatı uçuşlar həyata keçirib.
Nazirlik dünənki açıqlamasında 103 Çin hərbi təyyarəsinin Tayvan ətrafında uçuşlar apardığını bildirib. Bu, “24 saat ərzində aşkar edilmiş ən çox uçuş sayı” kimi qeydə alınıb.
Nuranə Məmmədova
Son şərhlər