Arif Səlimov və Səbinə Rəcəbli QHT adı ilə vətəndaşları aldadıblar
Azərbaycanda tanınmış şəxslər dələduzluqda günahlandırılırlar.
ANS PRESS-in məlumatına görə, kifayət qədər tanınan bəstəkar-müğənni Arif Səlimov və qızlardan ibarət “İdeal” qrupunun rəhbəri Səbinə Rəcəbli dələduzluq ittihamı ilə məsuliyyətə alınacaqlar.
QHT adı altında fəaliyyət göstərən cütlük dələduzluqda ittiham olunurlar.
Şikayətçi Gülnarə Əliyeva adlı qadın polisə şikayət edərək adıçəkilən şəxslər tərəfindən aldanıldığını bildirib. Onlar zərərçəkmişin etibarından sui-istifadə edərək külli miqdarda ziyan vurublar. Qadının sözlərinə görə, onlar QHT adı ilə ona yaxınlaşıblar və xəstəsinin sağaldılmasında kömək edəcəklərinə söz veriblər. Təklifi qəbul edən G.Əliyeva xəstəsinin sağaldılması üçün onlara külli miqdarda pul verdiyini deyir.
ANS PRESS
