Beynəlxalq yoldaşlıq oyunu çərçivəsində Malta, “Avro-2016″nın seçmə mərhələsində Almaniya ilə qarşılaşacaq Gürcüstan millisinin ilkin heyəti açıqlanıb.
Qol.Az-ın Gürcüstan mətbuatına istinadən verdiyi məlumata görə, yığmanın baş məşqçisi Kaxaber Sxadadze qarşıdakı oyunlar üçün 29 futbolçuya dəvət göndərib.
Lakin oyunlara qədər bu siyahı 23 futbolçuya endiriləcək. K.Sxadadze hazırda çalışdırdığı Bakı “İnter”indən 3 futbolçunu yığmaya dəvət edib. Bunlar müdafiəçi Aleksandr Amisulaşvili, Laşa Salukvadze və hücumçu Baçana Tsxadadzedir.
Qeyd edək ki, martın 25-də Malta ilə yoldaşlıq görüşü keçirəcək Gürcüstan millisi 4 gün sonra “Avro-2016″nın seçmə mərhələsində Almaniyanı sınağa çəkəcək.
Son şərhlər