Dronların böyük hissəsi Britaniyada istehsal olunacaq.
Elchi.az xəbər verir ki, London tarixin ən böyük dron partiyasını Kiyevə təhvil verəcək. Böyük Britaniyanın baş naziri Rişi Sunak bu barədə Ukraynaya səfəri öncəsi açıqlama verib.
“Bu, xarici dövlət tərəfindən indiyə qədər Ukraynaya təhvil verilmiş pilotsuz təyyarələrin ən böyük partiyası olacaq”, – Britaniya hökumətinin başçısı bildirib.
Partiyanın böyük hissəsinin Böyük Britaniyada istehsal olunacağı bildirilir. Bununla belə, tədarükləri artırmaq üçün Böyük Britaniya Müdafiə Nazirliyi istehsalatda xarici tərəfdaşların imkanlarından istifadə etməyə məcbur olacaq.
Böyük Britaniya Ukraynaya hərbi maliyyə ayırmağı 2,5 milyard funt-sterlinqə çatdırmağa hazırlaşır ki, bu da əvvəlki iki ildəkindən 200 milyon funt-sterlinq çoxdur. Təxminən eyni məbləğin dronların istehsalı və alınmasına xərclənəcəyi qeyd olunur.
Şayəstə Hüseynova
Son şərhlər