“Sumqayıt hadisələrinin əsas təşkilatçılarından olan Eduard Qriqoryanın yerinin müəyyən edilməsi istiqamətində müəyyən işlər görülüb. Onun yerinin müəyyən edilməsi üçün sosial şəbəkələrdə araşdırmalar aparılıb və “Odnoklassniki” sosial şəbəkəsində daxili və xarici əlamətləri ilə Eduard Qriqpryana oxşar şəxsin fotoşəkillər aşkar edilib”.APA-nın məlumatına görə, bunu respublika baş prokurorunun birinci müavini Rüstəm Usubov Azərbaycan Respublikasının Prezidenti yanında Dövlət İdarəçilik Akademiyasında (DİA) Sumqayıt hadisələrinin 27-ci ildönümü münasibətilə təşkil edilmiş konfransda “Azərbaycana qarşı Sumqayıt təxribatı – “Qriqoriyan işi” kitabının təqdimatında deyib.
R. Usubovun sözlərinə görə, onun Moskva ətrafında yaşadığı müəyyən olunub: ““Odnoklassniki” sosial şəbəkəsindən müəyyən edilən fotoşəkillər onun Rusiyanın paytaxtı Moskva yaxınlığındakı rayonda yaşadığını güman etməyə əsas verir. Eyni zamanda onun sosial şəbəkədəki şəkilləri prokurorluğa göndərilib. Məhkəmə ekspertizası təyin olunub və müəyyən olunub ki, həmin şəkildəki şəxs Eduard Qriqoryandır”.
