Azərbaycanın Macarıstandakı səfirliyinin təşkilatçılığı ilə 27 Sentyabr – Anım Gününə həsr edilmiş onlayn konfrans keçirilib.
Bu barədə Elchi.az-a İnsan Hüquqları üzrə Müvəkkilin Aparatından məlumat verilib.
Qeyd olunub ki, konfransda ölkəmizin Macarıstanda fövqəladə və səlahiyyətli səfiri Tahir Tağızadə açılış nitqi ilə çıxış edib. Daha sonra Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva, Azərbaycan-Macarıstan parlamentlərarası əlaqələr üzrə işçi qrupunun rəhbəri Əli Hüseynli və Macarıstan Milli Assambleyasının Azərbaycanla dostluq qrupunun rəhbəri Attila Tilki məruzələrlə çıxış ediblər.
Ombudsman Səbinə Əliyeva çıxışı zamanı 44 günlük Vətən müharibəsinin müasir Azərbaycan tarixində xüsusi əhəmiyyətə malik olduğunu vurğulayaraq, ölkəmizin ərazi bütövlüyü uğrunda həlak olmuş şəhidlərimizin əziz xatirəsini dərin hörmətlə anıb. Qeyd olunub ki, Müzəffər Ali Baş Komandanın rəhbərliyi altında rəşadətli Ordumuzun tarixi ədalətin bərpası naminə nümayiş etdirdiyi qəhrəmanlıq xalqımız tərəfindən əbədi olaraq xatırlanacaqdır.
Ermənistan və Azərbaycan arasında uzun illər davam etmiş münaqişənin ağır nəticələrinə toxunan Ombudsman 2020-ci il 27 sentyabrda Ermənistanın beynəlxalq hüquq normalarını kobudcasına pozmaqla genişmiqyaslı hücuma başladığını, Azərbaycanın BMT Nizamnaməsinin 51-ci maddəsinə əsasən özünümüdafiə hüququnu həyata keçirərək əks-hücum əməliyyatına başladığını, nəticədə işğal altında olan torpaqların azad edilməsini tələb edən BMT qətnamələrinin də yerinə yetirildiyini bildirib.
Ombudsman Vətən müharibəsi zamanı Ermənistan silahlı qüvvələri tərəfindən Azərbaycanın müxtəlif bölgələrində mülki əhalinin yaşadığı ərazilərin qadağan edilmiş silahlardan istifadə edilməklə hədəfə alındığını, nəticədə 100-ə yaxın şəxsin, o cümlədən 12 uşağın həlak olduğunu, 450-dən çox mülki şəxsin isə yaralandığını qeyd edib. Bununla da Ermənistanın beynəlxalq hüququn, o cümlədən beynəlxalq humanitar hüququn norma və prinsiplərinə açıq şəkildə hörmətsizlik nümayiş etdirdiyi vurğulanıb.
Həmin dövrdə Ombudsman tərəfindən Naftalan, Tərtər, Gəncə, Bərdədə hücumlara məruz qalmış ərazilərdə faktaraşdırıcı missiyalar həyata keçirildiyi, zərərçəkən şəxslərlə görüşlər keçirildiyi, sənədləşdirilən faktların beynəlxalq ictimaiyyətə ünvanlanan geniş hesabatlarda öz əksini tapdığı qeyd edilib.
S.Əliyeva bildirib ki, Vətən müharibəsinin başlandığı gündən etibarən, eləcə də postmüharibə dövründə ümumilikdə Ombudsman tərəfindən insan hüquqları sahəsində fəaliyyət göstərən təşkilatlara 18 hesabat, 29 bəyanat, 82 müraciət göndərilib.
Hazırda azad edilmiş Qarabağ və Şərqi Zəngəzurda aparılan genişmiqyaslı yenidənqurma işlərinin, habelə keçmiş məcburi köçkünlərin öz doğma yurdlarına qayıdışının böyük qurur hissi yaratdığı qeyd edilib.
Yekunda Ombudsman insan hüquqlarının təmini və müdafiəsi baxımından sülhün əvəzsiz rolunu qeyd edərək, iki ölkə arasında sülh müqaviləsinin imzalanmasının bütün regionda davamlı sülh və birgə yaşayışın təmininə, gələcək nəsillər üçün təhlükəsiz, nifrət və dözümsüzlüyün olmadığı bir mühitin formalaşmasına şərait yaradacağına inanımını ifadə edib.
Bu konfransın keçirilməsi çox təqdirəlayiqdir. Ombudsman Səbinə Əliyevanın çıxışı, xüsusilə 44 günlük Vətən müharibəsinin əhəmiyyəti və şəhidlərimizin xatirəsinin anılması çox təsirlidir. Müharibə nəticəsində dinc əhalinin hədəfə alınması kimi məsələlərə toxunulması da vacibdir. Bu cür tədbirlər, həqiqətlərin beynəlxalq ictimaiyyətə çatdırılması baxımından böyük önəm kəsb edir.
Super tədbir olub, çox yaxşı ki, belə konfranslar keçirilir. Ombudsman Səbinə Əliyeva hər zamanki kimi öz işini bilən adamdır, Vətən müharibəsinin əhəmiyyətini düzgün vurğulayıb. Gərək bu sülh müqaviləsi də tez qəbul olunsun ki, hamı rahat nəfəs alsın.
Bu konfransın təşkil edilməsi çox əhəmiyyətlidir. Azərbaycanın Macarıstandakı səfirliyinin bu tədbiri keçirməsi ölkəmizin ədalətli mövqeyini bir daha dünyaya çatdırmaq üçün əla bir fürsətdir. Ombudsman Səbinə Əliyevanın Vətən müharibəsi haqqında dedikləri tamamilə doğrudur və bu hadisələrin tariximizdəki yerini əks etdirir. Bu cür tədbirlər sülhə doğru atılan addımlardır.
Bu konfransın təşkili çox əhəmiyyətli idi. Azərbaycanın Macarıstandakı səfirliyinin bu cür mühüm bir mövzuda tədbir keçirməsi təqdirəlayiqdir. Ombudsmanın Vətən müharibəsi haqqında söylədiyi fikirlər tamamilə doğrudur. Bu müharibənin bizim üçün nə qədər əhəmiyyətli olduğunu bir daha xatırlatdı.
Bu konfrans həqiqətən də vacib mövzulardan birini qabartdı. Sülh müqaviləsinin önəmi barədə danışmaq çox yerində idi. Ombudsmanın fikirləri də çox təsirlidir. Bu cür tədbirlərin davamı olmasını arzu edərdim.
Çox sağ olun bu məlumat üçün. Konfransda söylənilən fikirlər çox önəmlidir. Səbinə xanımın Vətən müharibəsinin nəticələri haqqında dedikləri də təsirlidir. Ümid edirəm belə tədbirlər daha çox olacaqdır.