Florida Universitetinin professoru su altında ən uzun yaşamaq rekordunu qırıb. Su altında qaldığı müddətdə bir sıra fiziki və psixoloji sağlamlıq müayinələrindən keçən Cozef Dituri iyunun 9-da su səthinə çıxmağı planlaşdırır.
Elchi.az CBS News-a istinadən xəbər verir ki, sözügedən rekordu qırmaq üçün bir növ sualtı oteldə yaşayan Cozef Dituri əvvəlki rekordu 73 gün keçib.
Mayın 13-də su altında 74-cü gününü tamamlayan Dituri, sosial media hesabından verdiyi açıqlamada hələ prosesi bitirməyi düşünmədiyini; O, 100-cü günün sonunda suya çıxmağı planlaşdırdığını bildirib.
Dituri, “Birinci gündən məqsədim gələcək nəsilləri ruhlandırmaq, dəniz altında həyatı tədqiq edən alimlərdən müsahibə almaq və insan orqanizminin ağır şəraitdə necə işlədiyini öyrənmək olub”,-deyib
Nuranə Məmmədova
