Stoltenberq NATO-nun Ukraynada niyə uçuşa qadağa zonası yaratmadığını izah edib

37

NATO ölkələri Ukraynadakı münaqişənin tərəfinə çevrilməmək üçün çox diqqətlidirlər, ona görə də uçuşa qadağa zonası yaratmağa çalışmırlar, hava hücumundan müdafiə sistemlərini Kiyevə ötürürlər.

Bunu NATO-nun baş katibi Yens Stoltenberq Madriddə alyansın parlament assambleyasının iclasında bildirib.

“Bu, NATO ölkələri üçün çox vacibdir, lakin biz Ukraynada qoşun yerləşdirməyə başlasaq, münaqişənin bir hissəsi olacağıq. Buna baxmayaraq, NATO ölkələri Ukraynaya öz hava məkanını qorumaqda kömək etməkdə qərarlıdır. Biz Kiyevə hava hücumundan müdafiə sistemləri veririk və həm də hava hücumundan müdafiə sistemlərindən istifadə etmək üçün hərbçilərə təlim keçirik. Böyük Britaniya bu səylərdə aparıcı rol oynayır”, – Stoltenberq deputatların NATO-nun Ukrayna üzərində Rusiya aviasiyası üçün uçuşa qadağa zonası yaratmaq imkanı ilə bağlı suallarını cavablandırarkən deyib.