Bakının “Sovetski” adlanan ərazisində söküntü yalnız təhlükəli və yararsız vəziyyətdə olan binalara şamil olunur.
Bu barədə Elchi.az-a Bakı Şəhər İcra Hakimiyyətinin mətbuat xidmətindən sosial şəbəkədə həmin ərazidə arxitektur binaların sökülməsi ilə bağlı paylaşılan məlumatlara cavab olaraq bildirilib.
Bildirilib ki, bu cür paylaşımlar ictimaiyyəti çaşdırmaq və süni narazılıq yaratmaq məqsədi daşıyır.
““Sovetski” ərazisində ümumilikdə 150-yə yaxın tarixi bina qorunub saxlanılır. Bu işlərin gedişinə nəzarət etmək üçün bir neçə dövlət qurumunun nümayəndələrinin iştirakı ilə xüsusi Komissiya da yaradılıb.
Komissiya tərəfindən ərazidəki bütün arxitektur binaların tam siyahısı hazırlanıb. Hazırda yalnız istismar müddəti başa çatmış və qəzalı vəziyyətdə olan tikililərin söküntüsü həyata keçirilir. Bu proses tarixi binalara zərər yetirilmədən aparılır.
Qəzalı binaların söküntüsü başa çatdıqdan sonra isə ərazidə yerləşən arxitektur tikililərin bərpası, restavrasiyası və özüllərin bərkidilməsi işlərinin görülməsi planlaşdırılır”.
Qeyd edilib ki, söküntü yalnız təhlükəli və yararsız vəziyyətdə olan binalara şamil olunur. Ərazidə yaşayan sakinlərə isə bazar dəyərinə uyğun kompensasiya ödənilir.
““Sovetski”də aparılan bütün proseslər qanun çərçivəsində və xüsusi Komissiyanın nəzarəti altında həyata keçirilir”, – məlumatda qeyd olunub.
“Sovetski”də nə baş verir öyrəndim, yaxşı ki belə aydınlıq gətirdilər. Mənim kimi hər kəsə məlumat verilib, bu sevindirici haldır. Tarixi binaları qoruyub, təhlükəli olanları sökürlərsə, onda problem yoxdur. Ən əsası isə sakinlərə kompensasiya verilməsidir.
Həəə, məndə elə bilirdim dəə. Sovetskidə hamısını sökürlər. Yaxşı ki dedinəə. Elə bu qəzalı binaları sökürlər də. Mənə elə gəlir, bu işi düz eliyirlər.