Xəbər verdiyimiz kimi, Somalinin paytaxtı Moqadişo yaxınlığında mikroavtobusa edilən hücum nəticəsində Azərbaycan vətəndaşı, Göyçayın Ləkçılpaq kənd sakini, 1982-ci il təvəllüdlü İsmayılova Kəmalə Savalan qızı həlak olub, onun iki oğlu – 11 yaşlı Nihad və 10 yaşlı Nicat İsmayılovlar isə ağır yaralanıb.
Kəmalə İsmayılova bir neçə il öncə ailəsi ilə birlikdə Türkiyəyə köçərək, orada müəllimlik fəaliyyəti ilə məşğul olmağa başlayıb.
K.İsmayılova bir müddət İraqda, daha sonra Somaliyə köçərək fəaliyyətini davam etdirib. O, Somalidə uşaqları ilə yaşayırmış, həyat yoldaşı Əflatun İsmayılov təcüməçi olduğundan o, Somaliyə köçə bilməyib.
“Kəmalə Somalidə türk məktəbində müəlliməlik edirdi. O, Migəçevirdə böyüyüb, Göyçaya gəlin köçmüşdü. Əflatun xəbəri eşidən kimi şok keçirib. Onu xəstəxanaya yerləşdiriblər. Biz isə hazırda Kəmalənin nəşinin ölkəyə gətiriləməsi ilə bağlı müvafiq oraqnalara müraciət etmişik”,-deyə qohumları AzVision.az-a bildirib.
Əldə etdiyimiz digər məlumata görə, Azərbaycan vətəndaşı olan Kəmalə İsmayılova Somalidə Fətulla Gülən tərəfindən açılan məktəbdə çalışırmış. Həlak olan azərbaycanlının nurçu təriqətinə məxsus olduğu bildirilir.
Qeyd edək ki, Somalinin paytaxtı Moqadişoda silahlı şəxslərin məktəbli avtobusuna hücumu nəticəsində Türkiyə, Azərbaycan və Somali vətəndaşları həlak olub.
Hadisə zamanı bir neçə nəfər yaralanıb.