Şolts “nə indi, nə də gələcəkdə” Ukraynaya qoşun göndərməyəcəyinə söz verib

Siyasətçi onun vədlərinə arxalanmağa çağırıb.
Elchi.az xəbər verir ki, Almaniyanın kansleri Olaf Şolts deyib ki, Almaniya Ukraynaya təyyarələri və əsgərlərini “nə indi, nə də gələcəkdə” göndərməyəcək.
“Döyüş təyyarələrindən söhbət getmir, mən çoxdan aydınlaşdırdım, indi də edirəm. Biz də heç bir halda quru qüvvələri göndərməyəcəyik. Mən artıq dedim ki, NATO əsgərlərinin Ukraynadakı müharibədə nə indi, nə də gələcəkdə birbaşa iştirakı olmayacaq. Hər kəs buna arxalana bilər”, – deyə siyasətçi Bundestaqda çıxışı zamanı bildirib.
Xatırladaq ki, çərşənbə günü, yanvarın 25-də Şolts Almaniya hakimiyyətinin Ukraynaya Bundesverin ehtiyatlarından Ukrayna Silahlı Qüvvələrinə göndəriləcək 14 Leopard 2 tankı göndərəcəyini bildirib. Bundan əlavə, Berlin müttəfiqlərə Leopard avtomobillərini Ukraynaya təkrar ixrac etməyə icazə verəcək.
Bu arada 12 ölkə Almaniya hökumətinin icazə verəcəyi təqdirdə 100-ə yaxın Alman Leopard tankını Ukraynaya təhvil verməyə razılaşıb.

Şayəstə