Macarıstanın xarici işlər naziri Piter Siyyarto ölkəsinin Rusiyadan enerji idxalını mərhələli şəkildə dayandırmaq qərarına qarşı hüquqi prosedurlara başlayacağını açıqlayıb.
Elchi.az xəbər verir ki, bu barədə “Reuters” məlumat yayıb.
“Söhbət Brüsselin Avropaya tədarükünü qadağan etmək istədiyi Rusiya təbii qazı və xam neftindən gedir. Bu qərara dair yekun səsvermə Brüsseldə baş tutan kimi, biz dərhal Aİ-nin Ədalət Məhkəməsində buna etiraz edəcəyik. Biz dərhal hüquqi prosedurlara başlayacağıq. Artıq lazımi hüquqi işlərə başlamışıq və bu, davam edir”, – Siyyarto jurnalistlərə deyib.
Diplomat vurğulayıb ki, Macarıstanı Rusiya mənbələri olmadan enerji təchizatı ilə təmin etmək mümkün deyil.
Məryəm
