Seutada miqrantların kütləvi şəkildə sərhədi keçməsindən sonra İspaniya artıq Avropa İttifaqı (Aİ) və Şimali Atlantika Alyansındakı müttəfiqlərinə bel bağlaya bilmir.
Elchi.az xəbər verir ki, bu barədə “Politico” nəşri yazıb.
Nəşr qeyd edir ki, İspaniyanın Seuta və Melilya anklavlarına miqrant axını Madridi özünün bu iki muxtar şəhərinin statusu məsələsində müdafiə mövqeyinə keçməyə məcbur edib, eyni zamanda, İspaniyanın Baş naziri Pedro Sançeslə siyasi fikir ayrılıqları fonunda NATO-nun ənənəvi müttəfiqlərinin – xüsusilə ABŞ və Aİ-nin – artıq tam etibarlı olmaması ilə bağlı narahatlıqlar vəziyyətlə bağlı təşvişi daha da artırıb.
İspaniya Xarici İşlər Nazirliyi həmçinin vurğulayıb ki, Seuta və Melilyanın Krallığın tərkib hissəsi olması statusu heç bir şübhə doğurmur və beynəlxalq hüquq, eləcə də bütün dünya tərəfindən tanınır.
Avqustun 3-də məlum oldu ki, İspaniyanın Seuta şəhərində miqrantlarla bağlı baş verən insident Avropa İttifaqı daxilində fikir ayrılığına səbəb olub. Belə ki, üzv dövlətlərin reaksiyası tələsik və yalnız öz maraqlarını güdən xarakter daşıyıb. Qeyd olunur ki, bu vəziyyət blokun sərhəd siyasətinə qarşı ictimai etimadı sarsıda bilər.
Yeganə
