– Erməni döş nişanı ilə tribunaya çıxdı Tələt və Ənvər paşanı “qatil” adlandırdı
Almaniyadakı saxta “erməni soyqırımı” layihəsinin əsas təşəbbüskarlarından olan Yaşıllar Partiyasının əslən türk həmsədri Cem Özdəmirin 15 il əvvəlki məqaləsində 1915-ci il hadisələrinin müzakirə olunma yerinin Berlin olmadığını dediyi üzə çıxıb.
Avropa.info xəbər verir ki, 2001-ci ildə Almaniyanın “Frankfurter Allgemeine Zeitung” qəzetində dərc olunan yazısında Cem Özdəmir 1915-ci il hadisələrinin ölkəsinin parlamentində müzakirəsinə qarşı çıxıb. Yazısında Fransa parlamentinin saxta “soyqırımı” qəbul etdiyini xatırladan Özdəmir bunu böyük xəta adlandırmışdı.
“1915-ci ildə baş verən hadisələrin müzakirə olunma yeri nə Vaşinqton, nə də Paris və Berlin deyil. Alman Federal Məclisindəki həmkarlarıma Fransız nümunəsini izləmələrini tövsiyə edirəm. Bu məsələdə Osmanlı dövlətinin bir suçu varsa, o zaman Osmanlının müttəfiqi Almaniyanın da suçu var. Almaniya Federal Məclisinin belə qərar qəbul etməsi Türkiyədəki ifrat millətçiləri və Avropa əleyhinə olan qrupları gücləndirə bilər. Belə bir qərar layihəsinin Alman Federal Məclisində qəbul edilməsinin məqsədi nə ola bilər? Türkiyəni cəzalandırmaqmı ? Türkiyəni bununla cəzalandırmaq olarmı ” deyə Özdəmir 15 il əvvəlki məqaləsində qeyd edirdi.
Üstündən 15 il ötəndən sonra isə əslən türk olan Özdəmir saxta “erməni soyqırımı” layihəsi ilə Almaniya parlamentinə gəlir. Özdəmir çıxışında “erməni soyqırımı” qanun layihəsinin Almaniya Federal Məclisinə gətirilməsi sahəsindəki səylərindən dolayı ölkədəki kilsələrə təşəkkür edib. Cem Özdəmirin yaxasında erməni döş nişanı ilə tribunaya çıxması da diqqət çəkib.
Səsvermə öncəsi çıxış edən və Türkiyə əleyhinə sərt cümlələr işlədən Cem Özdəmir “Bu layihənin parlamentə gəlməsində əməyi olan koalisiya hökumətinə, kilsələrə, prezidentə və federal parlament sədrinə təşəkkür edirəm” deyib. Saxta “soyqırım” layihəsinin səsverməyə çıxarılmasının təşəbbüskarı olan Özdəmir çıxışı zamanı Osmanlı paşaları Tələt paşa və Ənvər paşanı “qatil” adlandırıb.
Həyasızlığını davam edən satqın türk Türkiyədə ermənilərin etiqadlarına görə “təqib edildiyini” və “sən ermənisən” sözünün təhqir formasında işlədildiyini deyib.
Cem Özdəmir kimdir?
Özdəmir ailəsi Türkiyənin Tokat şəhərindən Almaniyanın cənubundakı Baden-Vürtemberq əyalətinə köç edib. Cem Özdəmir 1965-ci ildə anadan olub. 2008-ci ildə Almaniya Yaşıllar Partiyasının həmsədri seçilib.
Son şərhlər