Amerika Birləşmiş Ştatları və Şotlandiyadan olan iki ailə, İnstaqramın ana şirkəti olan Meta-nı uşaqlarının intiharına səbəb olan cinsi şantaj fırıldaqları ilə bağlı məhkəməyə verib.
Elchi.az xəbər verir ki, çərşənbə günü verilən iddiada iddia olunur ki, texnologiya nəhəngi İnstaqramda yeniyetmələri hədəf alan artan şantaj təhdidini görməzdən gəlib.
İddiaçılar bildiriblər ki, minlərlə kilometr aralıda olsalar da, övladları da eyni şəkildə qurbana çevriliblər.
İnstaqramda romantik maraqları olan yad adamlar kimi təqdim edən fırıldaqçılar yeniyetmələrdən intim fotolar tələb edir, sonra pul və ya daha çox foto müqabilində bu fotoları ailələrinə və dostlarına yaymaqla hədələyirlər.
“Onlar mənfəəti təhlükəsizliyə üstünlük verirlər”
Ailələrin vəkili Metyu Berqman iddia edib ki, Metanın daxili sənədləri onların bu şantaj fenomenindən xəbərdar olduqlarını göstərir. Berqman bildirib ki, “Bu, qəza və ya təsadüf deyildi. Bu, Metanın qəsdən verdiyi dizayn qərarlarının gözlənilən nəticəsi idi. Şirkət mənfəətini yeniyetmələrin təhlükəsizliyinə üstünlük verməyi seçib”.
İddiada iddia olunur ki, o dövrdə İnstaqramın standart məxfilik parametrləri gəncləri həssas vəziyyətdə qoyub. 2024-cü ilə qədər bir çox gəncin izləyici siyahıları açıq idi və onlar tanımadığı insanlardan mesajlar qəbul edə bilirdilər ki, bu da fırıldaqçıların şantaj üçün istifadə edə biləcəkləri məlumatlara çıxışını asanlaşdırırdı. FTB-nin məlumatlarına görə, bu cür fırıldaqlar ölkə miqyasında minlərlə qurbanı hədəf almış və gənclər arasında ən azı 20 intihar hadisəsinə səbəb olmuşdur.
Şayəstə
