Rusiyada keçirilən futbol üzrə dünya çempionatında ikinci tura start verilib.
Elchi.az xəbər verir ki, “A” qrupunda yer alan meydan sahibləri Misir yığması ilə qarşılaşıb.
Sankt-Peterburq şəhər stadionunda keçirilən oyunu paraqvaylı referi Enrike Kaseres idarə edib.
***
Oyunda hesab açılıb. Misir futbolçusunun öz qapısına vurduğu avtoqolla Rusiya millisi hesabda önə çıxıb.
***
Rusiya millisi oyunun ikinci hissəsinə daha aktiv başlayıb. Meydan sahibləri hazırda 3 cavabsız qolla Misir yığmasını məğlub edir.
***
Matçda hesab yenidən dəyişib. Misirli ulduz futbolçu Məhəmməd Salah 11 metrlik cərimə zərbəsindən vurduğu qolla hesabda fərqli azaldıb. Hazırda oyun Rusiya yığmasının 3:1 hesablı üstünlüyü ilə davam edir.
***
Rusiya-Misir oyunu başa çatıb. Meydan sahibləri 3:1 hesablı qələbəyə qazanıblar.
Son şərhlər