37 yaşlı müğənninin 27 yaşlı sevgilisindən ikinci oğlu olub
Dünya şöhrətli müğənni Şakira ikinci dəfə ana olub. ANS PRESS-in xarici mətbuata istinadla verdiyi məlumata görə, tanınmış müğənni və futbolçu Pikenin ikinci uşaqları ötən həftə dünyaya gəlib.
Onların ikinci övladları da oğlan olub. Məşhur cütlük ikinci övladlarının adını hələ açıqlamayıblar. Lakin 3 kq çəkidə doğulan uşaq və ananın vəziyyətinin normal olduğu açıqlanıb.
Körpə doğulan xəstəxananın bir mərtəbəsi tamamilə müğənniyə xidmət üçün ayrılıb.
Müğənni doğuşa girməmişdən öncə “twit” yazaraq hamıdan onun üçün dua etməsini istəmişdi. “Həyatımın ən önəmli günündə məni üçün dua edin”.
Qeyd edək ki, 37 yaşlı Şakira və 27 yaşlı Pike 2010-cu ildən görüşürlər. İki il əvvəl isə onların Milan adlı oğulları olmuşdu.
ANS PRESS
