Səudiyyə Ərəbistanı Hərbi Dəniz Qüvvələri körfəzin təhlükəsizliyinə cavabdeh olan iki beynəlxalq qüvvənin komandanlığını öz üzərinə götürüb.
Elchi.az xəbər verir ki, Səudiyyə Ərəbistanı rəsmi xəbər agentliyi SPA-nın xəbərinə görə, Səudiyyə Ərəbistanı Hərbi Dəniz Qüvvələri Reyncer Qüvvələr Komandanlığının idarəçiliyini İngiltərə Hərbi Dəniz Qüvvələrindən, Birləşmiş İşçi Qüvvələr 152 Komandanlığının rəhbərliyini isə Bəhreyn Kral Dəniz Qüvvələrindən alıb.
Təhvil-təslim mərasimi ABŞ-ın 5-ci donanmasının yerləşdiyi Bəhreyndəki Dəniz Dəstəyi Bazasında keçirilib.
Mərasimdəki çıxışında ABŞ Hərbi Dəniz Qüvvələri Mərkəzi Komandanlığının (NAVCENT) komandanı admiral Çarlz Kuper 152 nömrəli Birləşmiş Operativ Qərargahın regionda sülhün qorunmasında və dəniz naviqasiyasının təhlükəsizliyinin təmin edilməsində oynadığı rolun əhəmiyyətini vurğulayıb.
Kuper Səudiyyə Ərəbistanı Kral Dəniz Qüvvələrinin bir çox birgə beynəlxalq əməliyyatlarda əldə etdiyi peşəkar nailiyyətləri yüksək qiymətləndirib.
Digər tərəfdən, mərasimdə çıxış edən Səudiyyə Ərəbistanı Kral Dəniz Qüvvələrindən dəniz polkovniki Asim əl-Öməri, tabe olduğu dəniz qüvvələrinin onlara verilən tapşırığı tam şəkildə yerinə yetirməyə hazır olduğunu bildirib.
Ranger Forces Komandanlığı dəniz ticarət naviqasiya xətlərinə nəzarət edən, qüvvələrə qoşulmuş ticarət gəmilərinin mühafizəsini təmin edən və dənizlərdə naviqasiya təhlükəsizliyini təhdid edən fəaliyyətləri izləyən ölkələrə qarşı çəkindirici funksiyanı yerinə yetirir.
Birləşmiş İşçi Qrup 152 Körfəzdə dəniz təhlükəsizliyi, beynəlxalq sularda infrastrukturun qorunması, qeyri-qanuni fəaliyyətlər və terror təhlükələri ilə mübarizə üçün Bəhreyndə ABŞ-ın 5-ci Donanmasının bir hissəsi kimi fəaliyyət göstərir.
Şayəstə Hüseynova
Son şərhlər