Bu gecə müharibə başlayan kimi dərhal ilk reaksiyamı dərc etdim. Yazdım ki, rusların təxribatıdır, əvvəl təhrik, sonra atəşkəs edir. Təəssüf ki, yenə təxribat baş tutdu. Ruslar bu dəfəki təxribatı da ermənilərin (fərqi yoxdur, hansı ermənilərin, bizimkilərin, yoxsa onların) əli ilə törətdi”.
Elchi.az xəbər verir ki, bu barədə Azərbaycan Demokratiya və Rifah (ADR) Partiyasının sədri, professor Qubad İbadoğlu FB hesabında bildirib:
“İndi isə yazdıqlarımı arqumentləşdirirəm. Ruslar bununla:
Bölgədə hərbi-siyasi gücünü bir daha nümayiş etdirdi.
Brüssel görüşünü nəticələrini nəinki sıfırladı, hətta geriyə doğru dəyişdi. Bundan sonra yaxın zamanlarda Ermənistan və Azərbaycan Xarici İşlər Nazirlərinin görüşüb, sülh müqaviləsinin mətnini hazırlamağı gözləməyə dəyməz.
ABŞ Dövlət Departamentinin Qafqaz üzrə baş məsləhətçisi Filip Rikerin bölgəyə səfərinin əhəmiyyətini azaltdı və ona burda hökran qüvvə mənəm mesajını çatdırdı.
Qərblə Azərbaycan və Türkiyə arasında münasibətlərin pisləşməsinə nail olmaqla hər iki ölkəni indiki vacib məqamda özünə daha da yaxınlaşdırdı və Şanxay Əməkdaşlıq Təşkilatına qoşdu.
“Azərbaycan və Ermənistan arasında münaqişə davam edir, mən olmasam onlar bir-birini qırarlar” mesajını bütün dünyaya çatdırmaqla Qarabağda “sülh məramlı” qoşunların mövqeyini möhkəmləndirdi, Azərbaycan və Ermənistan siyasi hakimiyyətinə nəzarətini daha da artırdı.
Yekun olaraq, onu da qeyd edim ki, 13 sentyabrda Azərbaycan-Ermənistan sərhəddində baş verənlərdən hər iki tərəfə itirdi, qazanan yenə də Rusiya oldu, bu gedişlə Rusiya qoşunlarını sərhəddə də yerləşdirə bilər. Odur ki, baş verənlər Rusiyanın marağı çərçivəsindədir”.
Yeganə
Son şərhlər