Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev Azərbaycan Respublikası Müdafiə Nazirliyinin hərbi qulluqçularına ali hərbi rütbələrin verilməsi və təltif edilməsi haqqında sərəncam imzalayıb.
Bayramınız mübarək!!!
Bu gün Ordu Günüdür!
Bu gün və ümumiyyətlə isə ömrünü Vətənə xidmət edən zabitə, əsgərə Vətənin, Ali Baş Komandanın dəyər verməsi qədər ALİ MƏMNUNLUQ HİSSİndən gözəl nə ola bilər ki?
Bu gün mən həm ehtiyatda olan hərbçi kimi, həm də jurnalist kimi sevvincliyəm. Ən azından ona görə ki…
Millətimizin və dövlətimizin onurğa sütunu olan Azərbaycan Ordusunun dünəninə baxaraq, bu gününün sabaha QƏLƏBƏ imzası ata biləcək zabitlərindən biri haqqında yazmaq xoşbəxtliyim var! Vətən və Yaradıcılıq kontekstindən baxanda, bundan gözəl hiss yoxdur.
… Ümumilikdə götürsək, Azərbaycan zabitləri, başda Ali Baş Komandan olmaqla, xalqının etimadını doğruldur. O xalqın ki, onlara Vətən etibar edib.
Ali Baş Komandan cənab İlham Əliyevin və Müdafiə Naziri general-polkovnik Zakir Həsənovun etimadını doğruldan zabitlərimiz hər zaman nümayiş etdirirlər ki, onlar əsgərləri ilə birlikdə müharibənin başlanmasından qorxmur, əksinə, bunu səbirsizliklə gözləyirlər.
Vətən, əlbəttə ki, Azərbaycan əsgərindən qələbə gözləyir. Əziz əsgər və zabitlərimiz də qələbə cücərdən, qəhrəmanlar yetişdirən bir torpağın əsirlikdə qalmamalı olduğunu gözəl bilirlər!
Azərbaycan Ordusunun zabit və əsgərlərinin o qələbəni qazanacağına inanıram! Azərbaycan əsgərinin vətənpərvərlik ruhunun həm də çox yüksək olması yaradıb o inamı məndə. Və həm də bu gün səngərdə dayanan əsgərə dövlət və ordu rəhbərliyi tərəfindən kifayət qədər qayğının göstərilməsi də dövlətin ordusuna inamı ilə bağlıdır.
Bu gün səngərdə – ön xətdə xalqın müdafiəsi üçün dayanmış əsgər və zabitlərimizin məqsədi, vəzifəsi birdir: Azərbaycan xalqının qələbəsini təmin etmək, şəhidlərimizin qanını yerdə qoymamaq, ana-bacılarımızın qisasını almaq və ən əsası, ÜÇRƏNGLİ BAYRAĞIMIZI Şuşada, Xankəndində dalğalandırmaq!
Ordumuzun qələbə əhvalına köklənmiş ruhundan vətən torpaqları da məmnundu. Hələ ki, mina partlayışlarından sinəsi dağılan torpaqlarımız sanki düşmən topunun zərbələrini öz canında, öz bədənində əridir! – bunu öz övladının, öz əsgərinin itkisinə yol verməmək üçün hətta müqəddəs torpağımızın şəhidliyi kimi də başa düşmək olar. Güllə yağışından başları dəlik-deşik olmuş Vətən daşları da, qol-budaqları qırıq-qırıq olmuş ağaclar da düşmən gülləsini özləri dərirlər. Belə demək mümkündürsə, bu Vətənin torpağı da, daşı da, qol-budağı da sipərdi övladları üçün. Çünki onların nəfəsiylə oyanır o torpaqlarımız, onlara qucaq açır, onlara sğıınır vətən daşları da…
“Vətən müharibəsi bütün xalqın, hər bir vətəndaşın öz şərəf və namusunu qorumaq üçün aparılan müharibədir!”
Azərbaycan Respublikasının Prezidenti İlham Əliyev Azərbaycan Respublikası Müdafiə Nazirliyinin hərbi qulluqçularına ali hərbi rütbələrin verilməsi və təltif edilməsi haqqında imzaladığı sərəncam içərisində “Hərbi xidmətlərə görə” medalı ilə təltif olunmuş polkovnik-leytenant Xanıyev Vüsət Barat oğlunun adı diqqətimi çəkdi. Mən “Ali Baş Komandanın sərkərdə müdrikliyi bütün silahlardan üstündür və bütün döyüşlərdən qalib çıxmağa yetərlidir!” düşüncəsində olan bu zabiti yaxından tanıdığımdan, mükafata oxucularımıza da təqdim etmək istəyirəm…
Mükafata layiq görülən polkovnik-leytenant Vüsət Xanıyev qələbə əzmli, ürəyindən millət, torpaq sevgisi əskik olmayan ümummilli lider Heydər Əliyevin “Vətən müharibəsi bütün xalqın, hər bir vətəndaşın öz şərəf və namusunu qorumaq üçün aparılan müharibədir!” fikrini sübuta yetirmək üçün həmişə döyüşə hazır olub!
“Bu Vətənin torpağı – dərəsi də, dağı da bilir ki, əsgərlərimiz müharibəni səbirsizliklə gözləyirlər” , – deyir şəxsi heyətlə hər söhbətində polkovnik-leytenant Xanıyev: “Hələ ki, bağrı cadar-cadar olan dərələr də, sinəsi çat verən təpələr də bizi öz ağuşunda qoruyur və qələbəyə doğru səsləyir…”
“Uzaqdan asan gələn döyüşü addım-addım yaxınlaşdıran zaman yetişəndə Azərbaycan əsgər və zabitləri bu döyüşə qalib gəlmək üçün atılacaq. Necə ki, aprel döyüşlərində, Naxçıvan əməliiyatında bunun şahidi olduq” – bunu da polkovnik leytenant Xanıyev hər dəfə əsgər və zabitlərinə döyüş tapşırığını öyrədərkən deyir.
Və bir də…zabitin ən güvəndiyi məqam, an bilirsiz nədir? Vüsət Xanıyevın güllə səslərinə diksinən və don vurmuş Murovun 35 dərəcə şaxtasında da, düşmənlə ən yaxın postlarda da heç vaxt qələbə ümidi qırılmayıb…
“Mənim uşağım camaatın övladından artıq deyil”
… Bir dəfə zabit dostum şəhərə xəstəxanaya gəlmişdi. Oğlan övladı dünyaya gələn Xanıyev elə həmin axşam geriyə qayıdanda təəccübümü gizlədə bilmədim və dedim:
– Vüsət, axı sənin həyat yoldaşının və oğlunun vəziyyəti agırdır. Bunları burda qardaş ümidinə qoyub hara gedirsən?
Cavabı verdiyim sual kimi məni təəcübləndirdi:
– 18 metrlik məsafədə əsgərlərimi düşmənlə üz-üzə qoyub gəlmişəm, mənim övladım heç kimin övladından artıq deyil!
Və özünü əsgərlərinə çatdırdı!
Əsgərin güllə yalayan alnından öpən komandir !
Bir dəfə komandir dostumla toy məclsiində idik. Arada bir nəfər gəlib polkovnik-leytenant Vüsət Xanıyevə salam verdi:
– Komandir, tanıdnızmı məni?
– Nədən tanımayım, Aslanım?
Həmən də sualına cavab verdiyi əsgərə sualla müraciət etdi:
– N saylı postda atışmada güllə hansı üzündən kecmişdi?
Əsgər sifətinin sol tərəfini göstərdi.
Komandir kecmiş əsgərinin alnınndan öpüb:
– Siz Səngər Aslanlarısız! Siz bu Vətənin yolunda yuxusuz qaldınız dövləti, milləti qorumaq naminə. Əsgər kimi yaxşı əsgər olmusan, çalış, həm də bu vətənin yaxşı vətəndaşı ol.
Bu sözləri əsgərinə polkovnik-leytenant Vüsət Xanıyev ona görə deyə bilir ki, o, hərbi xidmətdə olduğu müddətin 90 faizini səngərdə keçirib, əsgərlər onu görəndə “anası onu səngər üçün dünyaya gətirib” deyir! Vətənpərvər bir insan olaraq, millətinə olan sevgisindən qürur duyaraq, hamıya sübut edə bilib ki, o… əsgəri oz balası kimi sevən zabitdi!
22 nəfərlik düşmən dəstəsini zərərsizləşdirən zabit
Hələ apreldən əvvəl – avqust hadisələrində düşmənin gecə yarısı postumuza erməni kəşfiyyat-diversiya qrupunun qəfil hücumunun qarşısını alanda Vüsət Xanıyev xüsusi qəhrəmanlıq göstərmişdi.
Erməni diversiya qrupu sol və sağ tərəfdən olmaqla – iki istiqamətdən təpədəki postumuza qalxmağa cəhd göstərsə də, şəxsi heyət dairəvi müdafiəyə keçərək postu müdafiə edib. Verilən dəstək nəticəsində post gücləndirilib və düşmən sıxışdırılaraq itki verib.
Yeri gəlmişkən, qeyd edək ki, hadisə gününün səhərisi müdafiə naziri, general-polkovnik Zakir Həsənov dərhal hadisə yerinə gedərək bir qrup hərbi qulluqçuya «Hərbi xidmətdə fərqlənməyə görə» medalının 3-cü dərəcəsi və qiymətli hədiyyələr təqdim edib.
Qürur, ağrı, təəssüf keçirən əsgərlərimizin arzuladığı qələbə əzmini nümayiş etdirməyə, qələbəni qazanmağa Vətən də hazırlaşır.
Bu vətən sizdən zəfər gözləyir, ey səngərdə güllə yağışında gül yox, güllə dərən əsgər və zabitlərimiz! Sizinlə qürur duyuruq və sizdən tez bir zamanda qələbə zəfəri gözləyirik.
YAZIYA SÖZARDI:
Bu gün hər birimizin içində bir Səngər Alqışı olmalıdı: “Yaşasın Azərbaycan Ordusu!”. “Yaşasın Azərbaycan əsgəri!”
Bizlər – evimizi Səngər etməyi bacaranlar, Səngərdə olmaya-olmaya Səngər həyatı yaşayanlar bu alqışlara həyat verməliyik!
“FARAĞAT! DİQQƏT SƏNGƏRƏ!!!” nidası bizim – qisas borcu boynunda qalan, qələbə haqqına yiyə duracaq insanların o möhtəşəm günədək hər an yaşam Himni olmalıdır!
O Himn “Yaşasın Azərbaycan Ordusu!”, “Yaşasın Azərbaycan əsgəri!!!” anlamından keçir!..
Bu gün həm Azərbaycan Silahlıq Qüvvələr günüdür, həm də Azərbaycan Silahlıq Qüvvələrinin 100 illiyidir!
Bayramımız Azərbaycan Ordusu!
Bayramımız Azərbaycan əsgəri!
Aqil Alışov
Miq.Az saytının təsisçisi və baş redaktoru
Ehtiyatda olan baş leytenant
Son şərhlər