O torpaqlar öndədir, dönməyəcəksən geri,
Sən məğrursan, dönməzsən, Azərbaycan əsgəri!
Ana sözün dilində, vətən də o dildədi,
Düşmən ləpirlərində o torpağ inildədi
Əsir qalan daşların yaşı on min ildədi
Qayalarda hay salıb o daşların ləngəri
Sən məğrursan, dönməzsən Azərbaycan əsgəri!
Qubadlı, Cəbrayıldı qardaşın da bacın da,
Düşmənin caynaqları anamızın saçında
Şuşada, Kəlbəcərdə, Zəngilanda, Laçında,
Ayaqların altında qalsın düşmən ləşkəri
Sən məğrursan, dönməzsən Azərbaycan əsgəri!
Füzulidə, Ağdamda babamızın ruhları,
Öc almasan əfv etməz Xocalının ahları
Məsum gözlü cocuğların nə idi günahları,
Kimlər aldı əlimizdən yeddi yaşlı Ülkəri
Sən məğrursan, dönməzsən Azərbaycan əsgəri!
And içmisən – Sahib dur, kəsəyinə, kəndinə,
Düşmən lərzəyə gəlsin baxıb döyüş fəndinə
Azərbaycan bayrağın sancmasan Xankəndinə,
Bayraq dalğalanmasa dönməyəcəksən geri
Sən məğrursan, dönməzsən Azərbaycan əsgəri!..