“Ukraynaya davamlı dəstək Şimali Atlantika Alyansından Rusiyaya bir siqnal rolunu oynayır”.
Elchi.az xəbər verir ki, bunu NATO-nun Baş katibi Mark Rutte bildirib.
Baş katib Rusiyanın NATO-ya qarşı düşmənçilik hərəkətləri kampaniyasını davam etdirdiyi barədə fikrini ifadə edib. Onun sözlərinə görə, Moskva alyansa üzv dövlətlərin əzmini zəiflətməyə və Ukraynaya göstərilən dəstəyi dayandırmağa çalışır.
“Moskvaya ünvanladığımız siqnal aydındır: biz Ukrayna üçün daha az deyil, daha çox iş görəcəyik”, – deyə o bildirib.
Rusiya Prezidenti Vladimir Putin daha əvvəl bildirmişdi ki, Rusiya Avropa ilə müharibəyə hazırlaşmır, çünki bunun üçün heç bir səbəb və ya əsas yoxdur. Rusiya lideri vurğulamışdı ki, Avropa Ukraynaya dəstəyi davam etdirmək məqsədilə vəziyyəti qəsdən gərginləşdirir.
Yeganə
