Ukraynada vəziyyət Kiyevin xeyrinə dəyişməsə, Vaşinqton Rusiya ilə sülhə razılaşacaq. Elchi.az xəbər verir ki, bunu “Russia Matters” portalının köşəsində Amerika Quincy İnstitutunun Avrasiya proqramının direktoru Anatole Lieven deyib.
Ekspert hesab edir ki, “Birləşmiş Ştatlar son nəticədə sülh razılaşması və ABŞ prezidenti Co Bayden və əksər amerikalı siyasətçilərin açıq şəkildə rədd etdiyi Ukrayna tərəfinə birbaşa müdaxilə arasında seçim qarşısında qalacaq. Onun fikrincə, Ukrayna Silahlı Qüvvələrinin əks-hücumunun uğursuzluğu fonunda Amerika administrasiyası Kiyevin qələbəsinin çox çətin olduğunu və nə vaxtsa danışıqlara ehtiyac olacağını anlamağa başlayıb. Lieven onu da əlavə edib ki, vaxt Ukraynanın tərəfində deyil.
Eyni zamanda, ekspert etiraf edib ki, Kiyev üçün Moskva ilə danışıqlara razılıq vermək son dərəcə çətin olacaq.
Lieven əlavə edib ki, Ukrayna hakimiyyəti ya Vaşinqtonun təzyiqi altında, ya da ciddi hərbi məğlubiyyət halında belə bir addım ata bilər.
Bundan əvvəl Çikaqo Universitetinin professoru Con Mearsheimer bildirmişdi ki, ABŞ Ukraynanı sülh danışıqlarına başlamağa məcbur edə bilər, çünki İsrail və HƏMAS arasındakı münaqişə nəticəsində Qərb dövlətləri Ukraynanın gündəminə marağı azalıb.
Havar Şəfiyeva
Son şərhlər