Rusiyada qızılca təhlükəsi: “Xəstələrin 98 faizi peyvənd olunmayıb”

İlin əvvəlindən Rusiyada federal dairələrin yarıdan çoxunda qızılcaya yoluxma halları müşahidə olunub.
Elchi.az xəbər verir ki, bu barədə “İzvestiya” qəzeti yazır.
Qəzet diaqnozu qoyulan xəstələrin sayını “minə yaxın” olaraq bildirib.
“İzvestiya” ən azı 16 regionda bəzi məktəb, uşaq bağçası, universitet və xəstəxanalarda karantin tətbiq edildiyini bildirib.
Ən çox yoluxma halları Rostov və Xantı-Mansi rayonlarıdır. Rostovda xəstələrin sayı 200-dən çoxdur. Rostov qubernatoru bu xəstəliyə yoluxanların 98 faizinin peyvənd olunmadığını bildirib.
Qəzetə danışan Rospotrebnadzor rəsmiləri bildirirlər ki, ölkədə qızılcaya yoluxma halları nəzarət altındadır.
İnfeksiya üzrə mütəxəssis Andrey Pozdnaykov bildirib ki, xəstəliyə tam nəzarət etmək üçün sürü toxunulmazlığı 95 faizə çatmalıdır. Rusiyada bu nisbət hazırda 80 faiz civarındadır.

Nuranə Məmmədova