Rusiyanın Yekaterinburq şəhərində ötən axşam naməlum silahlılar içərisində erməni biznesmenlərin olduğu “Audi” markalı avtomobilə silahlı hücum edərək çoxsaylı atəş açıblar.
Elchi.az azvision.az-a istinadən xəbər verir ki, Rusiyanın hüquq-mühafizə orqanları silahlı hücumun əvvəlcədən planlaşdırıldığını bildirib.
Belə ki, pul vəsaitlərinin nəğdləşdirilməsi ilə məşğul olan erməni biznesmenlər avtomobildə özləri ilə böyük məbləğdə nəğd pul aparıblar. Bu barədə öncədən xəbərdar olan naməlum şəxslər pulu ələ keçirmək üçün biznesmenlərin olduğu avtomobili güllələyiblər. Lakin silahlılar hücumu sonadək aparmayıb və hadisə yerini pulu ələ keçirmədən tərk ediblər. İnsident nəticəsində ölən və yaralanan olmayıb.
O da qeyd olunur ki, bilinməyən səbəblərdən silahlı dəstənin atəşi dayandıraraq hadisə yerindən qaçması təəccüb doğurub. Istisna edilmir ki, hücumun əsl məqsədi oğurluq yox, ermənilərə xəbərdarlıq olub. Hadisə yerinə polislə yanaşı, Rusiyadakı erməni diasporunun çoxsaylı nümayəndələrinin şüşələri qara tonlu avtomobillərdə gəlməsi də diqqət çəkib.
İnsidentlə bağlı Rusiya hüquq-mühafiz orqanlarında cinayət işi açılıb, istintaq aparılır.
Qeyd edək ki, Rusiyadakı erməni lobbisi və disporunun əsas maliyyə dayaqlarından biri də qeyri-qanuni gəlirlərin və çirkli pulların yuyulması, nəğdləşdirmə ilə məşğul olan erməni biznesmenlərdir.
Son şərhlər