Rusiya prezidenti Vladimir Putin Fransanın “Total” neft şirkətinin sabiq başçısı Kristof de Marjerinin 
ölümündən sonra “Şərəf” ordeni ilə təltif edilməsi haqda sərəncam imzalayıb. Musavat.com-un məlumatına görə, bu barədə Kremlin mətbuat xidməti açıqlama yayıb.
“Rusiya ilə Fransa arasında iqtisadi və mədəni əlaqələrin inkişafındakı böyük xidmətinə görə Fransa vətəndaşı, “Total” konserninin prezidenti və Direktorlar Şurasının sədri Kristof de Marjeri “Şərəf” ordeni ilə təltif edilsin (ölümündən sonra)” – açıqlamada deyilir.
Marjeri oktyabrın 21-ə keçən gecə Vnukovo hava limanında öz şəxsi təyyarəsində aviaqəza nəticəsində həlak olub. Onunla birgə təyyarədəki başqa üç nəfər də həyatını itirib.
Son şərhlər