Rusiyanın Tver bölgəsində təşkil edilən “Seliger 2014” Gənclik Forumunda danışan Rusiya Dövlət 
Başçısı Vladimir Putin, Qərb ölkələrinə Rusiyanın nüvə gücünü xatırlatdı və “Bizimlə qarşıdurmaya girməmək ən yaxşısı olar” deyə təhdidedici mesaj göndərib.
ANS PRESS-in məlumatına görə, Kiyevi Cənub-Şərqi Ukraynada Donbass nümayəndələri ilə müzakirələrə başlamağa məcbur etmək lazım olduğunu ifadə edən Putin “Müasir mədəni qaydalar çərçivəsində insanların qanuni hüquqları və maraqları nəzərə alınmaldır” deyərək bunun ardından təhlükəsizlik və sərhəd məsələlərinin daha asan danışılacağını qeyd etdi. Rusiya dövlət başçısı ölkəsinin qarşıdurmalara girmək istəmədiyini və planlaşdırmadığını, ancaq bütün hücumları dəf etməyə hazır olduğunu açıqladı.
Putin kimsənin Rusiyaya qarşı qarşıdurma çıxartmağı ağlının ucundan keçirəcəyinə inanmadığını dedi. Dövlət başçısı “Rusiya, hər hansı böyük bir qarşıdurmaya girməkdən uzaqdır. Bunu istəmirik, bunu etməyi də düşünmürük, lakin buna baxmayaraq, hər zaman Rusiyaya qarşı bütün hücumları dəf etməyə də hazırıq.
Əməkdaşlarımızın ölkələri nə vəziyyətdə olursa olsun, hansı xarici siyasət anlayışına uyğunlaşırsa uyğunlaşsın hər zaman bizimlə qarşıdurmanın onlar üçün pis olacağını bilmələri lazımdır. İndiki vaxtda Rusiyaya qarşı böyük bir qarşıdurma başlamaq fikrinin kimsənin ağlının ucundan belə keçmədiyini düşünürəm” bildirərək, Rusiyanın dünyanın ən güclü nüvə dövlətlərindən biri olduğunu da xatırlatdı.
Ukraynada bu gün Avropa dəyərləri birinci tutularaq müxaliflərin hərbi yollarla bastırılmasının aydın olduğu üçün üzüldüyünü ifadə edən Putin, ABŞ və Avropa ölkələrinin Ukraynada iqtidarın şiddət yoluyla dəyişdirilməsinə siyasi dəstəyinin və iştirakının ölkə xalqının narazılığına yol açdığını qeyd etdi. Rusiya lideri, “İndi Cənub-Şərqi Ukraynanın bu narazılığı döyüş təyyarələri, toplar, roket və tanklarla kobudcasına bastırılmaya çalışılır”- deyə bildirib.
Rusiya dövlət başçısı “Əgər müasir Avropa dəyərləri budursa, onda mən gözləmədiklərimi yaşayıram”- deyə fikir bildirdi.
Son şərhlər