Rusiya Barents Avro-Arktika Şurasından çıxdığını elan edir. Elchi.az xəbər verir ki, müvafiq bəyanat Rusiya Xarici İşlər Nazirliyinin rəsmi saytında dərc olunub.
Nazirliyin qeyd etdiyi kimi, Danimarka, İslandiya, Norveç, Finlandiya, İsveç və Avropa İttifaqının təqsiri üzündən “BEAC”-n fəaliyyəti faktiki olaraq iflic vəziyyətinə düşüb. Üstəlik, təşkilatdan çıxmaq qərarı Finlandiyanın oktyabr ayında “BEAC” rəhbərliyini Rusiyaya verməkdən imtina etməsi ilə əlaqədar qəbul edilib.
Qeyd edək ki, 2022-ci ilin mayında Rusiya Baltik Dənizi Dövlətləri Şurasından çıxdı. Rusiya Xarici İşlər Nazirliyi bəyan edib ki, Qərb ölkələri bu platformada bərabərhüquqlu dialoqdan imtina edib və təşkilatı anti-Rusiya siyasətinin alətinə çevirir.
Havar Şəfiyeva
