“Almaz-Antey” Aerokosmik Müdafiə Konserni Misirdə “Viking” orta mənzilli “yer-hava” tipli zenit-raket kompleksinin (ZRK) modellərini nümayiş etdirəcək, bu sistem F-22 və F-35 kimi “stealth” (gizli) təyyarələri məhv etmək qabiliyyətinə malikdir.
Elchi.az “TASS”-a istinadən xəbər verir ki, bu barədə Rusiya şirkəti məlumat yayıb.
Konsern hava hədəflərinə qarşı məhvetmə məsafəsini 120 kilometrə qədər artıran 9A383E buraxılış qurğusunun modelini Rusiyadan kənarda ilk dəfə nümayiş etdirməyi planlaşdırdığını bildirib.
Fevral ayında İjevsk Elektromexanika Zavodu “Kupol”un baş direktoru Fanil Ziyatdinov “Tor” sistemləri ailəsinin müxtəlif şəraitlərdə tapşırıqları yerinə yetirməyə qadir olan çoxməqsədli sistemlərə çevrildiyini elan etdi.
2024-cü ilin noyabrında “Almaz-Antey”in baş direktorunun müavini Vyaçeslav Dzirkaln Çinin Çjuhay şəhərində keçirilən “Airshow China 2024” sərgisində “Vityaz” və “Viking” orta mənzilli hava hücumundan müdafiə sistemlərinin maraq doğurduğunu qeyd edib.
Yeganə
