Almaniya münaqişə zonalarına silah tədarükü ilə bağlı öz tabuunu pozaraq dəfələrlə “qırmızı xətləri” keçib. Elchi.az xəbər verir ki, bunu Lente.ru-ya müsahibəsində Rusiyanın Almaniyadakı səfiri Sergey Neçayev deyib.
Onun sözlərinə görə, Almaniya Ukraynaya çoxlu sursat, hava hücumundan müdafiə sistemləri, özüyeriyən haubitsalar və Leopard tankları verir. Bundan əlavə, Berlin Ukraynanın əks-hücumuna töhfə vermək üçün döyüşlər zamanı sıradan çıxmış alman tanklarını təmir edir” – deyə Neçayev bildirib.
Qeyd edək ki, bundan əvvəl Rusiyanın xarici işlər naziri Sergey Lavrov bildirib ki, Moskva Amerika F-16 qırıcılarının Ukraynaya təhvil verilməsi faktının özünü nüvə sahəsində təhlükə kimi qiymətləndirəcək. O, həmçinin vurğulayıb ki, ABŞ və NATO öz hərəkətləri ilə Rusiya ilə birbaşa silahlı toqquşma təhlükəsi yaradır.
Havar Şəfiyeva
Son şərhlər