Azərbaycan Prezidentinin: “Qarabağ problemi yoxdur, bu məsələ həll edilib”-deməsi, gələcəyə hesablanmış addımdır və rus sülhməramlılarının vaxtı çatanda Qarabağ ərazisindən çıxarılmasına imkan yaradacaq. Bu məntiqlə əgər məsələ həll edilibsə, deməli, rus sülhməramlılarının Qarabağda qalmasına da ehtiyac yoxdur. Böyük ölçüdə Ermənistan tərəfinin Rusiyanın istəyi ilə hələ sülhməramlıların çıxarılması vaxtına xeyli müddət qaldığı halda indidən bu məsələni gündəmə gətirməsi, Azərbaycanın Prezidentinin bu məntiqini başa düşdükləri üçündür və indidən bunun üzərinə düşmək istəyirlər və hesab edirəm ki, Qarabağdakı mitinqlər də “hələ problem həll edilməyib” mesajı verməkdir və təxminən 3 il sonrasına hazırlıq görməkdir”.
Elchi.az xəbər verir ki, bu fikirləri BAXCP sədrinin müşaviri, politoloq Azər Qasımov FB hesabında qeyd edib:
“Hamı yaxşı başa düşür ki, rus ordusu Qarabağa hansı yolla girə bildi və gələcək planları nədən ibarətdir. Məntiqlə fikirləşsək, Cənab Prezidentin bu fikri çox unikal və hesablanmış fikirdir. Məsələ ondadır ki, bu fikrin gələcək üçün strateji dividentləri indiki situasiyadakı taktiki dividentlərini kölgədə qoyur və vaxtı çatanda həqiqətən də problemi həll etməyə əsas yaradır.
Bu məntiqdən çıxış edərək əminliklə demək olar ki, 3 ildən sonra rus ordusunun Qarabağ ərazisində sülhməramlı kimi qalmasının vaxtı uzadılmayacaq və onlar Azərbaycan ərazisindən çıxmağa məcbur olacaqlar”.
Yeganə
Son şərhlər