“Qarabağ”ın baş məşqçisi Qurban Qurbanov komandasının üç legioner futbolçusu – Cumbinyo, Dias və Reynaldo Silvanın zədələri səbəbindən Avropa Liqasının və Premyer Liqanın son bir neçə oyununda iştirak etməməsi haqda danışıb.Qol.Az saytının müxbiri ilə söhbətində Q.Qurbanov bildirib ki, hər üç oyunçunun matçlara çıxmaması komandanın özü üçün problem yaradır. “Cumbinyo uzun müddətə sıradan çıxıb. Təəssüf ki, Reynaldo və Diasın “İnter”lə Avroliqanın son oyununda meydana çıxmaq ehtimalı çox azdır. Əlbəttə, bu, bir məşqçi kimi mənim futbolçu seçimi imkanımı azaldır”.
Bununla belə, Q.Qurbanov maraqlı bir etiraf da edib. O deyib ki, əslində komandanın aparıcı futbolçularının zədələnməsi oyunçu seçimi zamanı ona problem yaratsa da, əslində bunun faydasını görür. “Olur ki, lider futbolçular zədələnərkən çox oynamaq şansı əldə etməyən oyunçuların xidmətindən istifadə edirsən. Onlar da özlərini yaxşı tərəfdən göstərə bilirlər. Bu mənada, aparıcı futbolçun zədələnərkən digər oyunçulara şans verirsən, bunun da məşqçiyə faydası dəyir”.
Son şərhlər