Ölkənin 5 aktual saytı baş yazarı sual “atəş”inə tutdu 
Bu gün ölkənin 5 xəbər portalının təmsilçisi qəzetimizin redaksiyasına gəlib. Onlar həm qəzetimizin noyabrın 28-də işıq üzü görəcək 6000-ci sayını qutlamaq, həm də bu münasibətlə baş yazarımız Rauf Arifoğludan müsahibə götürmək üçün “Yeni Müsavat”ın qonağı olublar. Aktual.az saytının redaktoru Anar Yusifoğlu, azxeber.com saytının redaktoru Əfsələddin Ağalarov, ölke.az saytının redaktoru Məmməd Gülməmmədov, editor.az saytından Azər Mehdiyev və xeber1.az saytından Səbuhi Abbasovdan ibarət jurnalist heyəti yeni bir layihəyə start veriblər.
“5+1” adlı layihə ölkənin tanınmış ictimai-siyasi xadimlərindən, maraqlı simalarından çətin, “dişli” müsahibə götürməyi qarşısına məqsəd qoyub. Layihə çərçivəsində götürülən müsahibələr eyni tarixdə, eyni saatda adını çəkdiyimiz saytlarda işıq üzü görür.
“5+1”in ilk qonağı isə baş yazarımız R.Arifoğlu oldu. 2 saata yaxın davam edən müsahibə zamanı həmkarlarımız “Yeni Müsavat”ın baş yazarına mediadan siyasətə, son Batumi olaylarına qədər xeyli mövzu barədə suallar ünvanlayıblar. R.Arifoğlu söhbət zamanı bu günə qədər açıqlamadığı xeyli yeni məlumatları, gizlinləri həmkarları ilə paylaşıb.
Musavat.com oxucuların nəzərinə çatdırır ki, sözügedən ilginc söhbət “Yeni Müsavat” qəzetində, habelə adını sadaladığımız saytlarda noyabrın 28-də, yəni, qəzetimizin 6000-ci sayı işıq üzü görən gün dərc ediləcək.
Sevinc
Son şərhlər