Qvatemalada prezident seçkilərinin ikinci turunda səsvermə başlayıb.
Elchi.az-ın verdiyi xəbərə görə, seçicilər ölkədə 3,4 mindən çox seçki məntəqəsində səs verəcək.
Seçki məntəqələri yerli vaxtla saat 18.00-da bağlanacaq.
Prezident postu uğrunda iyunun 25-də keçirilən birinci turda 15,7 faiz səs toplamış sağ mərkəzçi Milli Ümid Alyansı Partiyasının namizədi Sandra Torres və 11,8 faiz səs toplamış sol mərkəzçi Ailə Hərəkatının namizədi Bernardo Arevalo mübarizə aparır.