Quantanamo həbsxanasının ən yaşlı məhbusu təxminən 20 il dalbadal yatdıqdan sonra sərbəst buraxılaraq vətəni Pakistana göndərilib.
75 yaşlı Seyfullah Paraça 2001-ci il sentyabrın 11-də baş verən hücumlardan iki il sonra Əl-Qaidə tərəfdarı olduğu iddiası ilə saxlanılıb.
Təşkilata maliyyə vəsaiti verməkdə ittiham olunan Paraça həmişə günahsızlığını müdafiə edib və heç vaxt rəsmi ittiham irəli sürülməyib.
11 sentyabr hücumlarında şübhəli bilinən yüzlərlə məhbus Kubadakı hərbi bazada yerləşən həbsxanada qalıb.
Elchi.az xəbər verir ki, Pakistan Xarici İşlər Nazirliyindən verilən açıqlamada, “Quantanamoda saxlanılan Pakistan vətəndaşı Seyfullah Paraça azad edilib və 29 oktyabr 2022-ci ildə Pakistana gəlib. “Xaricdə saxlanılan Pakistan vətəndaşının nəhayət ailəsinə qayıtmasından məmnunuq”, – məlumatda deyilir.
Paraça 2003-cü ilin iyulunda Amerika Mərkəzi Kəşfiyyat İdarəsinin əməliyyatı zamanı FTB tərəfindən ələ keçirilib.
ABŞ-da təlim keçmiş Paraça, Amerika səlahiyyətliləri tərəfindən təşkilatın liderləri, o cümlədən Usama bin Laden və Xalid Şeyx Məhəmmədin də olduğu təmasda olmaqda ittiham edilib.
Paraça ABŞ-ın Əfqanıstandakı Baqram hava bazası həbsxanasında 14 ay qaldıqdan sonra Quantanamoya aparılıb.
ABŞ prezidenti Co Bayden hələ ittiham olunmamış məhbusları azad etmək və Əl-Qaidə ilə birbaşa əlaqəsi olan şəxslərin məhkəmə prosesini sürətləndirmək üçün təzyiq altında idi.
Bayden administrasiyası digər Pakistan vətəndaşı, 55 yaşlı Əbdül Rəbbani və 41 yaşlı Yəmən vətəndaşı Əbdül əl Rəhim Osman ilə birlikdə Paraçanın sərbəst buraxılmasına razılıq vermişdi.
Pakistan Xarici İşlər Nazirliyinin bəyanatında Rəbbaninin adı çəkilməyib.
11 Sentyabr Hücumlar Komissiyasının hesabatında hücumun baş memarı kimi tanınan Xalid Məhəmməd də daxil olmaqla 35 nəfər hələ də Quantanamoda saxlanılır.
Şayəstə