Son 24 saat ərzində Banqladeşdə davam edən qızılca epidemiyasında daha dörd uşaq öldü. Epidemiyada ölənlərin sayı 712-yə çatdı.
Elchi.az xəbər verir ki, Dhaka Tribune qəzetinin məlumatına görə, Banqladeş Səhiyyə Nazirliyinin Səhiyyə Xidmətləri Baş Müdirliyinin (DGHS) açıqlamasında son 24 saat ərzində daha dörd uşağın qızılca şübhəsi ilə öldüyü bildirilir.
Beləliklə, ölkə daxilində davam edən qızılca epidemiyası səbəbindən ölən uşaqların sayı 712-yə çatıb.
Bundan əlavə, son 24 saat ərzində 941 yeni şübhəli qızılca halı aşkar edilib və ölkə üzrə şübhəli halların ümumi sayı 99.207-yə çatıb.
10 apreldən bəri qızılca şübhəsi ilə xəstəxanaya yerləşdirilmiş insanların sayı 82.844-ə çatıb və 79.152 nəfər müalicədən sonra evə buraxılıb.
Banqladeşdə hökumət 7 apreldə çoxsaylı uşaqların qızılca şübhəsi ilə ölməsindən sonra təcili peyvənd kampaniyasına başlamaq qərarına gəlib.
Pnevmoniya və ensefalopatiyaya səbəb ola bilən qızılca, dünyada peyvəndlə qarşısı alına bilən ölümlərin əsas səbəblərindən biridir.
Şayəstə
