Bildirilib ki, İtaliya Qırmızı dənizdə gəmilərə hücumlara qarşı ABŞ-ın rəhbərliyi ilə yaradılan çoxmillətli təhlükəsizlik missiyasında freqatla iştirak edəcək.
Elchi.az xəbər verir ki, İtaliya mətbuatında yer alan xəbərlərə görə, Müdafiə Nazirliyi ABŞ-ın rəhbərliyi ilə yaradılan çoxmillətli missiya çərçivəsində İtaliya Hərbi Dəniz Qüvvələrində xidmət edən FREMM sinifli Virginio Fasan freqatının Qırmızı dənizdə yerləşdirilməsinə qərar verib.
“Fəsan” freqatının fevral ayında Ədən körfəzi və Hind okeanında dəniz quldurlarına qarşı mübarizəyə dəstək məqsədilə “Atalanta” əməliyyatına normal olaraq getməsi planlaşdırıldığı, lakin ilk olaraq Qırmızı dənizdəki bu missiyada iştirak edəcəyi bildirilib.
İtaliyanın freqat göndərmə qərarının müdafiə naziri Guido Crosetto ilə dünən amerikalı həmkarı Lloyd Austin ilə görüşündən sonra verildiyi bildirilib.
Qeyd edilib ki, Krosetto freqatın göndərilməsi qərarının arxasında Qırmızı dəniz yolunu qoruyaraq xammal bazarında qiymət artımının qarşısını almaq olduğunu bildirib.
Bu arada “La Repubblica” qəzetinin xəbərində İtaliyanın “Fəsan” freqatına əlavə olaraq ikinci bir gəmi də göndərməsinin mümkün olduğu bildirilib.
Müxalifət partiyalarından olan 5 Ulduz Hərəkatının (M5S) lideri Cüzeppe Konte freqatların Qırmızı dənizə göndərilməsi qərarını tənqid edərək, “Bizi başqa bir münaqişəyə sürükləyirlər” deyib.
Şayəstə Hüseynova
Son şərhlər