İranın Bişkekdəki səfiri Səid Xarazi Qırğızıstan prezidenti Sadir Japarov və xarici işlər naziri Ruslan Kazakbayevin yaxın günlərdə İrana səfər etmək niyyətində olduqlarını bildirib.
Elchi.az bu barədə İranın “Mehr” xəbər agentliyinə istinadən xəbər verir.
Xarazi İranın Qırğızıstanla bütün sahələrdə əməkdaşlığa hazır olduğunu, Tehran üçün Bişkeklə əməkdaşlığa heç bir məhdudiyyətin olmadığını qeyd edib.
İran-Qırğızıstan birgə iqtisadi komissiyasının 13-cü iclasının gündəmdə olduğunu qeyd edən İran səfiri görüş zamanı 10 sənədin imzalanmasının planlaşdırıldığını açıqlayıb.
Xarazi qeyd edib ki, İran Silahlı Qüvvələrinin Ali Baş Komandanı ilə Qırğızıstanın müdafiə naziri arasında telefon danışığı zamanı İran tərəfi Bişkeklə hərbi əlaqələri davam etdirməyə hazır olduğunu bildirib.
O, həmçinin Tehran və Bişkekin nəqliyyat sahəsində əlaqələrini gücləndirəcəklərinə ümid etdiyini bildirib və əlavə edib ki, son illər iki ölkə arasında ticarətin həcmi artıb.
Yeganə
Son şərhlər